Epistola
Précédente Accueil Remonter Suivante
Bibliothèque

Accueil
Remonter
Dédicace
Historique
Instruction
Epistola
De Psalmis
S. Hieronymi
Liber Psalmorum
Cantica
Supplenda
Liber Proverbiorum
Liber Ecclesiastes
Canticum Canticorum
Cantique

 

EPISTOLA

ILLUSTRISSIMI

MELDENSIS EPISCOPI.

JACOBUS BENIGNUS BOSSUET, Episcopus Meldensis : venerabilibus atque amplissimis viris ac dilectissimis fratribus Decano et Canonicis sanctæ Meldensis Ecclesiæ : Ecclesiarum Pastoribus, religiosis Cœtibus, universoque Clero Meldensi salutem in Domino.

Afferimus ad vos, dilectissimi fratres, nostras in Psalmorum librum pii vestri studii adjutrices notas ut qui tanto decore, tantaque diligentia Deo psallit is, data explanatione, psallere sapienter, erudite scilicet atque intelligenter, magis magisque ediscatis. Pertinet ad commendationem exigui licet operis, quod in eo accurando adiutores nacti sumus viros egregios, hebraice, græce, latine doctissimos, quorum pars ad meliorem præcessere vitam; pars adhuc superstites, summa, cum pietatis ac doctrinæ opinione, etiam in episcopali sede aliisque amplissimis muneribus collocati degunt. Nam dum in aula. versamur, alii aliis de causis; ego, quod notum est, Ludovici Delphini augustissimi ac fortissimi principis adolescentiæ ac spei a magno Rege admotus; omnes quidem paribus florentes studiis, integra amicitiæ gratia ac fide : communibus curis cœpimus evolvere Scripturas, blanda inter et aspera, quæ multa in eam vitam incidunt, solatio et consilio; quotidianæ vero nostræ consuetudini, ac familiaribus colloquiis, summo oblectamento atque emolumento futuras. Itaque iis exponendis multa perlegimus, pauca selegimus. Hinc Psalmi nostri prodeunt, imo vero vestri, quando et ego vester: Omnia enim vestra

9

tra sunt, sive Paulus, sive Apollo, sive Cephas...; omnia enim vestra sunt: vos autem Christi : Christus autem Dei. (I Corinth. in, 22, 23). Quare, dilectissimi, benevolis animis vestra hæc accipite : hæc, inquam, non abstrusa et recondita, hoc est plerumque vana; sed apta atque accommodata ad simplicem litteralemque intelligentiam, atque omnino, utiliora quam ornatiora aut ambi-tiosiora, æqui bonique consulite : nos enim pro eo famulatu quem in Ecclesia Dei gerimus, non modo validioribus inter vos, verum etiam infirmioribus servire oportebat. Sit ista testificatio publica, quanti ego vos faciam : quanti pietatem industriamque vestram, ac labores vestros nostris sociatos. Sic denique intelli-gent, quam suaviter in domo Domini versemur unanimes. Sequentur autem postea, nusquam interruptis operis, nostra in Prophetas ac totum Testamentum Vetus : per hæc si vita, si mens bona adfuerit, Deo auctore ac duce, deveniemus ad Novum. Certe in his consenescere, his immori, summa votorum est: id pium, id beatum : fateri enim libet, id omni ambitu expetendum ducimus : id vestris quoque precibus impetrandum, si qua est nostri charitas, et speramus et poscimus. Valete. Datum Meldis, iv nonas junii, anno m. dc. xc.

Précédente Accueil Suivante