|
sanctitate sed de sui auctoris confidens
virtute, qui dixit : Si habetis fidem, sicut granum sinapis diceretis huic arbori
moro eradicare et transplantare in mare et obediret vobis, legationem a sancto
patriarcha suscipiens et legatis perducentibus eum ad prefatam insulam pervenit, ubi
cum magna honorificentia a rege et populo susceptus est (« Ubi cum magno honore susceptus est. » Br.
bas. m.) Die itaque prenominata congruum in locum accito conventu tam plebis quam
principum, cum beatus Ymerius staret in medio eorum (« Quadaam verò die, cum
beatus Ymerius staret in medio conventu totius populi. » Br. bas. m.),
supradicta detestanda belua a scopulis quibus predam speculando insidebat, descendens in
astantem plebem conabatur irruere ipsam de populari gestiens, ad cujus alarum horribilem
applausum omnes unanimiter perteriti cum ejulatu magno ad terram prostrati sunt. Beatus
vero Ymerius nullo terrore perculsus est, sed stans in medio conventu, facto signo crucis
imperavit belue ut mansueta et sine alicujus lesione in locum sibi paratum descenderet. Ad
cujus vocem igitur mansueta ac quasi domestica, continuo grifis in locum sibi a sancto
viro perostensum descendit, beatus verò Ymerius intendens in coelum orationem cum
lacrymis hujusmodi fudit dicens: « Omnis qui in filii tui humilitate jacentem mundum
erexisti, erige corda prostrate plebis sancti spiritus gratia ut de infidelitatis tenebris
erecta et de instanti periculo ad gratiam sanctissimi nominis tui liberata et claritatem
veri luminis ipsum videlicet solem justitie recognoscat... Ihesum Christum Dominum
nostrum, qui tecum vivit et regnat per omnia secula seculorum. Amen. » Peracta autem
oratione, imperavit grifi ut minimam pedis sui ungulam proprio rostro abrasam in memoriam
rei geste cederet, ac deindè usque ad extremos fines terre non amplius reversura, nec
ulli unquam Deum colenti noscitura, avolaret. Grifis vero, sancti viri imperio in
conspectu omnium obediens, tradita ei ungula a finibus illis avolavit, nec deinceps in
insula illa apparuit. Ipso verò, baptizato rege et populo et omnia in fide edocto,
ordinatisque tribus episcopis qui inibi plebem fideliter regerent et dicto vale omnibus
Iherosolimam, cum ungula grifis remeavit, ibique cum ymnis et processionibus gloriose a
fratribus susceptus est. Sed inter eos paululum commoratus. Ne favoralis aura peracti
miraculi in labores suos latenter irreperet, tumultum populi ad ipsum confluentis
fugiens, assumpto sibi donante patriarcha justi Simeonis brachio et quibusdam aliis
reliquiis Sanctorum in prefata grifis ungula repositis, cum comite suo Elberto
transmarinas partes reliquit, et ad partes cismarinas quas pridem deseruerat repedavit,
tandemque pervenit ad quemdam locum Ciriliacum nomine, ubi secundum suum |
|